Сўнгги янгиликлар
Янгиликлар
9 май – Хотира ва қадрлаш куни муносабати билан Наманган вилояти ҳокими Шавкатжон Абдураззоқов бошчилигида ҳуқуқ-тартибот, мудофаа ва хавфсизлик идоралари раҳбарлари йўқловлари давомида Янгиқўрғон тумани, Нов маҳалласида истиқомат қилаётган фронт орти меҳнат фахрийси Қирғизой Муратованинг ҳам хонадонида бўлдилар.
Наманган вилояти ҳокими Шавкатжон Абдураззоқов бошчилигида ҳуқуқ-тартибот, мудофаа ва хавфсизлик идоралари раҳбарлари 9 май - Хотира ва қадрлаш куни муносабати билан Янгиқўрғон тумани Оқтепа маҳалласида истиқомат қилувчи, Иккинчи жаҳон уруши қатнашчиси, 103 ёшли Муҳаммадиброҳим ота Иномов хонадонига ташриф буюрди.
Ҳарбий оркестр ва кенг жамоатчилик иштироки билан байрам тусини олган тадбирда вилоят раҳбари Муҳаммадиброҳим Иномовга Президент табригини ўқиб эшиттирди ҳамда 10 минг АҚШ доллари пул мукофоти, “Ғалабанинг 80 йиллиги” эсдалик медали ва байрам совғаларини топширди.
Ўзига хос "Уч авлод учрашуви" тарзида ўтган тадбир давомида Ш.Абдураззоқов кексаларнинг босиб ўтган йўли, ҳаётий тажрибаси ёшларга ибрат эканини алоҳида таъкидлади, юртимиздаги тинчлик ва осойишталик нақадар муҳим эканлиги шукроналик билан тилга олинди.
Ўз ўрнида Муҳаммадиброҳим Иномов юртимизда бугунги кунда нуронийлар ва меҳнат фахрийларига яратилган шароитлар, эътибор ва ғамхўрликлардан ғоят миннатдорлигини билдириб, дуога қўл очди.
Янгиқўрғон тумани ҳокимлиги Ахборот хизмати
Семинар Ўзбекистон Республикаси Президентининг 2024 йил 30 сентябрдаги ПФ–151-сонли Фармонида кўрсатилган 2024-2025 йилларда тоғ олди ва қир-адирлик, иқтисодий самарасиз ҳамда эскирган боғ ва токзорлар ўрнида янгидан саноатлашган интенсив мевали боғ ва токзорлар барпо этиш масаласига бағишланди.
Фуқаролик ишлари бўйича Янгиқўрғон туманлараро суди томонидан 2025 йилнинг 1-чорагида бир қатор ишлар амалга оширилди.
Хусусан, 1-чорак давомида фуқаролик ишлари бўйича Янгиқўрғон туманлараро судига 4413 та даво аризалар келиб тушган. Шундан 1056 тасини даъво ва алоҳида тартибдаги, 2860 тасини суд буйруғи тартибидаги ва 497 таснии материал тартибидаги аризалар ташкил этади.
Ҳал этилган 1056 та даъвонинг 767 таси қаноатлантирилган, 117 таси қаноатлантириш рад этилган, 161 та даъво аризаси кўрмасдан қолдирилган, 11 таси бўйича иш юритиш тугатилган.
Жами 1056 та даъво тартибида кўрилган ишларнинг 23 таси ер муносабатларига оид, 10 таси меҳнат , 497 таси оилавий ҳуқуқий, 31 таси уй-жой ҳамда 419 таси фуқаролик ҳуқуқий муносабатларига оид ишларни ташкил этади.
Бундан ташқари, алоҳида тартибида 76 та ариза кўриб чиқилган.
Шунингдек, кўрилган даврда Ўзбекистон Республикаси Президентининг виртуал қабулхонаси орқали 69 та, Халқ қабулхонаси орқали 8 та мурожаатлар келиб тушган.
Асоссиз низоларни камайтириш, қонунбузилиш ҳолатларининг олдини олиш мақсадида туманлараро суди томонидан ҳисобот даврида 82 та кўрилган низоли ишлар сайёр суд мажлисларида кўриб чиқилган. Қонун бузилиш ҳолатлари юзасидан 38 та хусусий ажримлар чиқарилиб, тегишлилиги бўйича юқори ташкилот ва мансабдор шахсларга юборилган.
Бундан ташқари, ушбу давр оралиғида 40 та ҳуқуқий тарғибот ишлари амалга оширилган.
С.Юлчиева,
Фуқаролик ишлари бўйича Янгиқўрғон туманлараро суди раиси
Бугун Янгиқўрғон тумани Тиббиёт бирлашмаси томонидан 59-Оилавий поликлиникада аҳоли учун чуқурлаштирилган тиббий кўрик ташкил этилди.